Ua toe atoa vaalele e tolu o le ituaiga o le Twin-Otter a le kamupani vaalele o le Samoa Airways mo le tautuaina o le atunuu fai malaga i le va o motu faapea malaga ile va o Apia ma Pagopago, ina ua maea ai ona toe faaleleia atoa le tino ma afi o le tasi o ia vaalele.
E iva masina sa faia ai ia galuega i le atunuu o Kanata ma o le mafuaaga lea o se sauniga i le faaiuga o le vaiaso na sami ai le maea o lea galuega, ma toe malaga ai lea vaalele o le Samoa Airways.
Faaalia e le kamupani vaalele e 7 miliona le tau sa fuafuaina mo ia galuega i totonu o le 7 masina peitai o le faaopoopo o le isi lua masina ina ia faamaea lelei ai galuega mo le vaalele na faaopoopo ai ma le tau lea e sefulu miliona tala na faaalu ai.
O loo iai le fuafuaga a le Samoa Airways e faia foi ni galuega faapea mo isi vaalele e lua ma le faamoemoe o le tausaga nei e ave ai le isi vaa mo galuega faaleleia, ao le isi ua fuafua mo se taimi o le tausaga fou.
