Ua iai nei le puleganuu a Ueligitone i se tulaga le mautonu ma nunumi ma ua sauni le malo i se isi gaioiga e fai pe a alualu ae moomia.
Saunoaga nei a le minisita o tupe Nicola Willis ananafi ma le tala e lē o māmā i le malo le tulaga ua iai nei le puleganuu a Ueligitone.
O le vaiaso talu ai na palota ai le puleganuu e taofia le faatau ese atu o le 34% o ana sea o loo I le malaevaalele i Ueligitone, ma o se gau tele lea mo le pulenuu ia Tory Whanau lea na finau malosi iai ma fuafua le paketi 10 tausaga a le aai.
Ona o lea ua moomia ai nei le toe sui o lana Long Term Plan poo fuafuaga alualu mamao ma faaitiitia le oo atu i le $600 miliona o tupe faaalu.
E lē faigofie fesuiaiga ua iai nei ma i saunoaga a le minisita o tupe o se popolega tele aua o lona uiga e ono toe alu ai i luga rates o loo totogi e tagata Ueligitone, peitai o lea o loo maualuga i le taimi nei.
Faaalia foi e le minisita o Local Government Simeon Brown lona popole tele.
Ae i le finagalo o le sa avea muamua ma pulenuu o Ueligitone i tausaga ua mavae, Dame Kerry Prendergast i tala a le Herald, e lē lelei le mea ua oo iai.
Ao fai mai ai le malo i ana ia fuafuaga ma o loo ia tulimata’ia pea i le taimi nei le puleganuu, e foliga mai e le malie iai le pulenuu ia Whanau i le ofi mai fua o le malo i totonu o le li’o a le puleganuu.
Puna o Faamatalaga: http://Nicola Willis says Wellington City Council is a shambles, Government watching very closely – NZ Herald
