Ua lē taunuu le faatauina atu o se tasi o fale tele, o ofisa faigaluega i le atunuu i se kamupani Hong Kong ma Saina e pei ona agiga i lipoti a le leitio faavaomalo a Niu Sila.
O le Kiwi Property Group (KPG) ua o latou ta’ua i lea lipoti ua faalēaogāina le fuafuaga sa iai e faatau atu le poloka ofisa lea o le fale tele o le Vero i Aukilani e 38 fogafale ina ua lē ausia tuutuuga autū o lea feagaiga.
O le Ofisa Sili o Clive Mackenzie sa taumafaia lenei maliega mai nai masina talu ai peitai ua lē ausia nisi o tuutuuga e pei o le totogi ane o le tiposi ma isi tulaga ma ua fai ai loa ma le latou faai’uga.
E lē o avanoa ane se sui o lea kamupani i se faatalanoaga ma le leitio ae lē o faailoa foi e le KPG pe o le a toe silasila i se isi buyer ae e $458 miliona lea sa fuafua e faatau atu ai lea fale tele.
Puna o Faamatalaga: https://www.rnz.co.nz/news/business/523940/458m-sale-of-auckland-s-vero-centre-collapses
