O loo una’ia nei e Ekalesia i le Atu Kuki le atunuu ina ia folafola o se atunuu Kerisiano i le mae’a ona iloa ane o se fale tapua’i o se mosque i Rarotonga.
Ua faafofogaina e le komiti ua faaigoa o le Religious Organisation Special Select Committee finagalo faaalia i le mataupu lenei ma ua fuafua o le a o latou asia lea fale tapua’i.
O le finauga na amata atu e le Cook Islands Christian Church ma o latou faailoa ai se suiga e faia i le faavae e tatau ona amana’ia ai le Atu Kuki o se atunuu Kerisiano.
Fai mai le ta’ita’i o le Itu Agai a le Atu Kuki Tina Browne o le folafolaga lea ua lē ogatasi ma le Vaega 64 o le faavae lea e faataga ai le sa’olotoga mo tapua’iga.
E eseese finagalo faaalia o le atunuu i le mataupu ma o loo talia nei se isi laasaga i upufai o lea atunuu e tusa o le mataupu e pei ona faaulufale i le Palemene.
Puna o Faamatalaga: https://www.rnz.co.nz/international/pacific-news/543895/churches-push-for-cook-islands-to-be-declared-a-christian-nation-after-mosque-discovery
