O le Palemia fou o Greenland, Jens Frederick Nielsen o le ta’ita’i o le pati Temokalasi i ma o le Palemia fou foi lea o lea atunuu ua ia tetee atu i faamatalaga a Trump sa faia e faapea o le a faatonutonu e Amerika lea motu teritori.
O le atunuu lea o Greenland e tele ana alaga’oa ma e i Atalani, o se atunuu o loo avea ma teritori o Denmark ae faagaioi lava e latou a latou meafai, o se ally poo se paaga foi a Amerika peitai o loo mana’o Trump e fāoa lea teritori ma faaaogā mo mafua’aga tau le puipuiga.
Na saunoa la le ta’ita’i fou lea o Greenland, e fia faamanino o latou e lē pulea e se tasi ma e fai lava e latou le faai’uga o lo latou lumanai.
Ua faia lea faamatalaga a le ta’ita’i o Greenland ae faato’ā tasi le aso talu ona mae’a le faatalanoaga a Trump i le NBC News e faapea e lē o aveesea le faaaogāina o le malosi’aga faamiliteli i le mataupu lea e faatatau ia Greenland.
Ua faaleo le lē fiafia o tagatānuu ma faipule o Greenland i ia faamatalaga a Trump.
Puna o Faamatalaga: https://edition.cnn.com/2025/03/31/europe/greendland-trump-us-pushback-intl-hnk/index.html
