O se alii mai Amerika sa galue o se misionare i Samoa mo le Ekalesia a Iesu Keriso o le Au Paia o aso e gata ai, le susuga Dr Michael B Haynie ua ia faia se foai tāua mo le Matagaluega o le soifua maloloina e ala i se masini fā’ata mo le suesueina o le fofoga le gutu ma oloa poo nifo.
O le auaunaga a le falemai nifo ua tuusa’o iai lea masini faatasi ai ma nisi o mea faigaluega e faatino ai lea auaunaga tāua faalesoifua maloloina.
O le masini fā’ata ua faaalia e le matagaluega i se faamatalaga faalauiloa, o le a sili ona vave saili ai ni faaletonu o le fofoga ma oloa faatusa i le masini o loo faaaogā i le taimi nei.
O se fā’ata foi e mafai ona faaaogā mo sailiiliga o ni faaletonu ise fofoga i le sueina o faaletonu o ponaivi o le vaega i lalo ma luga o le auvae.
Faaalia i lea faamatalaga faalauiloa, o se masini fā’ata foi o le a vave ai galuega a fomai nifo.
