Ua filifilia le uluai polofesa Pasefika a le Iunivesite o Otago i mataupu tau le mafaufau ma lona faaaogāina, psychology.
O ia lea o Dr Siautu Alefaio e pei ona faamaonia i lipoti mai le leitio faavaomalo a Niu Sila.
O le tamaitai polofesa e pei ona faamatala i le pepa o faamatalaga mai le Iunivesite na ia faailoa e lagona le faagaeetia ma le faamaualalo i le tofiga ua tuuina mo ia ae ua atagia ai le naunautaiga o le iunivesite mo le faafeiloaia o manaoga o tagata Pasefika.
O se tasi o sao o Dr Alefaio i le auaunaga e aofia ai lona tusiaina o le Pacific Indigenous Psychology 2022 ua avea ma se tasi o vaega tāua i le suesuega faavae o loo ia faatautaia o se sui o le Rutherford Discovery Fellow, ma se tasi o sikolasipi a le Fullbright NZ.
O le masina o Fepuari o le tausaga fou ua fuafua e amata ai le tamaitai polofesa i lona tofiga fou.
Na soifua ane i Dunedin ma o se alo o lo tatou atunuu.
