E maliliu tagata o loo i nuu i tua pe a le faamuamua i fuafuaga a le malo lea e toe fau ai le pulega a le soifua maloloina
O le lapataiga lea mai fomai faaleaiga i le maea faia ai o le faitauga lona lua i totonu o le palemene o le pili fou lea o le a aveese ai DHBs e 20 o loo iai nei. O le faiga fou lenei o le a suitulaga ai e le pulega toatasi ua taua o le Health NZ DHBs e 20, ma o le a fautuaina e le 80 hubs le Health NZ i mea o loo moomia.
Molimau a fomai o loo galulue i nuu i tua, o le toe fau o le system fou a le soifua maloloina o loo talanoaina nei e le mafai ona faaleleia ai le auaunaga.
O le aso muamua o Iulai o le tausaga nei e aloaia ai le pulega fou ua taua, ae mai fomai faaleaiga e le i vaai lava i nisi faamatalaga faatatau i lenei suiga ma le aafiaga o a latou auaunaga faapea le faatupeina o galuega, ma ua iai le popolega o le a faaitiitia ai ma fomai faaleaiga i nuu i tua ma aafia ai le soifua maloloina o le komiuniti.
