O loimata o le fiafia na vaaia i ata ma videos o loo faalauiloa mai i luga o upega tafailagi a ofisa faasa, lalau faapea le social media ina ua tulaueleele vaalele i Sini i le taeao analeila, malaga ane ai tagata Ausetalia sa poloka i fafo mai o le atunuu ona o aiaiga ole vavao.
O feiloaiga a aiga aemaise o uo na vaaia ile fiafia aua ua fai si umi o valavala ma le fevaaia’i. O le aso foi ua faamuta ai male faanofoesea i faletalimalo aemiase le faatapulaa o le aofai o tagata faimalaga. Taua mai i lipoti e 14 faigamalaga faavaomalo uafuafua e tulaueleele i Sini ile aso.
O faamatalaga ma i latou ia i luga o upega tafailagi ua taua ai lo latou fiafia tele ina ua tatala faigamalaga ma toe feiloai lelei ma aiga ma fanau.
