E toatasi le tagata ua maliu ma le isi toalua o loo i le falemai mafua mai le onanā pe overdose i fualaau faasāina i Niu Sa Uelese i le vaiaso talu ai aemaise o le faaaogāina o se fualaau faapea a latou o le cocaine.
Fai mai sui o le soifua maloloina o le ituaiga drug lea o le heroin o loo faataamilo solo i Sini ma e ono vave lava ona aafia ai le tagata.
O le amataga o le masina lenei na lapatai mai ai le NSW Health i le faaaogāina o fualaau MDMA o loo faasoa solo i Niu Sa Uelese ma e tolu ituaiga fualaau o loo maitauina e ao lava ona faaeteete iai.
Fai mai o aafiaga o ia ituaiga fualaau e afua ai le lēlavā, faifailemu le mānava ma taagulu aemaise suiga e vaaia i le lanu o le tino.
