E le o faigofie tuutuuga o talosaga mo I latou o loo fia omai vave I Niu Sila I o latou aiga ua faitau aso ma vaiaso e soifua ai
Mo I latou uma ua sau ripoti a le falemai ua faitau aso ma vaiaso o totoe, e tatau I o latou aiga I atunuu I fafo ona faamaonia I le matagaluega o pisinisi ma galuega faamaoniga mai le fomai o loo taua ai nei faamatalaga, poo le life expectancy
Toatele ua le fiafia ma faitio I luga o ofisa faasalalau ona e le faigofie ona maua mai nei faamaoniga, ma e le o gasegase tigaina uma e aumai e fomai ripoti ua faitau aso o totoe, ona o le mau a le soifua maloloina e faigata
O le iai o le sulufaiga lea mai le malo e faatalosaga ai I latou e fia omai vave I aiga e le o toe umi aso e soifua ai, o le a le o ai talosaga a aiga I fafo I le queue 10 vaiaso o loo I le lisi faatalitali mo nofoaga e omai faanofoesea ai I Niu Sila, ae e ono faagaioia uma a latou talosaga I totonu o le fitu aso
E le o faigofie le tau faasoasoaina o nofoaga e faanofoesea ai tagata mai fafo e tusa ma faamatalaga mai le matagaluega o pisinisi I ripoti a le newshub, ma o le lagona foi lea o loo ui ai le toatele o loo taliga ma taumafai e ausia uma pepa mo faamaoniga o loo moomia mo talosaga
O le Aso Lua na faamaonia ai foi e le matagaluega o pisinisi e iai nisi o talosaga faavavave ua silia atu ma le 3 aso faatulagaina o loo faagaioia ai, ma ioe e faigata tuutuuga ua fofola atu mo pepa faamaonia o life expectancies o gasegase tigaina I Niu Sila, peitai o se faaiuga ua faia ona e tatau ona Iloilo toto’a mo le faasoaina o nofoaga e faanofoesea ai e mai fafo O le masina o Mati le taimi lata mai lea ua oo iai le lisi faatalitali mo nofoaga e faanofoesea ai
