Ua faatonuina se aiga i Niu Sa Uelese e aveese se vaega o a latou teuga o le Kerisimasi a leai o le a tuuina ane se faasalaga ona ua oo ni faaseā i le Council mai se tagata ua faaigoa i le lipoti, e lē fiafia i le Kerisimasi poo le grinch i le faaperetania.
Fai mai le Alaata 9 ua faate’ia le aiga ina ua afea e se ranger mai le Pulega faalotoifale a le Blue Mountains ma faailoa atu o a latou mōlī Kerisimasi ua faaseā ai se tagata.
Na ta’ua e le ranger na faailoa atu e le tagata lea na faitio o ia o le christmas grinch.
Na faailoa e le aiga e lua vaiaso ua tuu atu ia latou e toe aveesea ai pou o loo taula’i iai a latou mōlī a leai o le a aveesea e le Council ma tuuina atu loa se faasalaga.
Ua faailoa ane e le Council i le 9News o loo faamoemoe ia maua se tali e faamalieina ai itu e lua i lea mataupu ma o loo taumafai pea ia masuiga mālie le mataupu ma faaauau tapenaga mo le faamanatuina o le Kerisimasi o le vaitau fiafia mo tagata uma i le faamanatuina o le soifua mai o le pepe o le Kerisimasi.
Puna o Faamatalaga: https://www.9news.com.au/national/blue-mountains-family-told-to-take-down-christmas-lights-after-council-complaint/6f9f41e7-f8a9-42e8-b949-68fed24fab73
