A o iai fuafuaga a ta’ita’i Pasefika e alu le malaga a le komiti agai i Niu Kaletonia, o loo faatali nei i se tali mai a le Pelesetene o Farani, Emmanuel Macron.
O lea ua tusi ta’ita’i Pasefika agai i le Pelesetene mo se faatagana e mafai ai ona asia Noumea, a lē o luma mai, pe o le uma ai o le fonotaga a le Pacific Islands Forum lea e faia i Tonga i le faai’uga o le masina.
O se malaga o loo faamoemoe e faatalanoa ai le vevesi na iai Noumea, ma o ni fuafuaga ua faamaonia mai e le amepasa o Farani i le Pasefika o le a toe talanoaina i le fonotaga a minisita lea o loo faia i Fiti i le vaiaso nei.
E oo mai i le taimi nei o lea lava o loo tau faamamā le taulaga o Noumea, lea e tusa ma le 800 fale ma pisinisi ua mu.
Lipotia e le leitio a Niu Sila e lei iloga lava ona sa’oloto ma saogalemu nisi o vaega o Niu Kaletonia.
Puna o Faamatalaga: France ‘decides on who enters’ New Caledonia: French diplomat on Pacific leaders request | RNZ News
