E iai taimi na sau ai totogi ua leai se tupe maua ona o mea totogi, ma e lei fiafia iai tagata galulue i galuega faavaitaimi mai Solomona ma sulu ai loa i le tulafono.
E toatolu tagata faigaluega faavaitaimi mai Solomona ua toe suina le latou fale faigaluega, Pick Hawkes Bay i tuua’iga o lea na toesea e le fale faigaluega tupe mai totogi e aunoa ma se maliega.
E oo foi i itula faigaluega na sau i totogi e lē o talia e i latou nei.
O loo matuai teena e le loia a le Pick Hawke’s Bay le tagi a Ie itu tagi ma le tala o lea lava na faamaonia tupe na toesea mai totogi.
O se mataupu o loo iloiloina e faamasino e toatolu faatasi ma le Human Rights Commission, Council of Trade Unions ma le Horticulture New Zealand.
A o tālia le i’uga mai faamasinoga o loo lagolago foi e le Pacific Island Community Trust Bay of Plenty sui e toatolu o le itu tagi, Lyn Soapi, Danny Lau ma Mary Lau.
O le naunauta’iga o le itu tagi, afai ae manuia la latou finau o le a fai lea ma ‘ai mo tagata Pasefika o loo saili manuia mai i Niu Sila e ala i galuega faavaitaimi.
Puna o Faamatalaga: Solomon Islands RSE scheme workers await verdict in ongoing trial | RNZ News
