O le faafoeina o le taavale ae o loo sii le pepe i ona vae o le mafuaaga lea ua faasala ai se tasi alii mai Gold Coast ina ua feta’ua’ina le saosaoa o le taavale ma le pepe o loo sii e le avetaavale.

O le video o loo faailoa mai ai le tagata lea e foliga o se pepe o loo faanofo i ona vae ma o loo agai mai le malaevaalele o le Gold Coast ma le faaitu o Tugun.

Fai mai o loo vaaia le pepe o loo uu le foeuli o le taavale ma sa pue lelei e tagata na vaaia le faalavelave lea le ata ma agiga i upega tafailagi.

O le faasalaga o le tuuina o se tamaititi i se tulaga lamatia i se taavale e fa demerit points ma le 1100 faasalaga tupe.