O loo i Samoa le Minisita o le atina’e ma le puipuiga o atunuu o le Pasefika a le Malo o Ausetalia le susuga Pat Conroy mo se asiasiga ua faamatalaina i se pepa o faamatalaga faalauaitele mai lea Malo, o le fia faamautu atili o sootaga o Malo e lua, aemaise o sootaga ma atunuu o le Pasefika.
O le a faamautu i le asiasiga a le alii minisita maliega faavaomalo na sainia i le amataga o le tausaga nei, a o iai ilo tatou atunuu.
O lea maliega o le a lagolago ai le Malo o Ausetalia i polokalame o suiga tetele o le tau, o tulaga i le puipuiga, o taaloga ma galuega faavaitaimi.
Ua faatulaga i le polokalame o le asiasiga le afea e le alii minisita o lana afioga i le Ao o le Malo ma lana masiofo mo se feiloaiga, faapea foi ona feiloai atu i le taitai o le Malo i le tamaitai Palemia ma Minisita o le Kapeneta.
O le tuua o Samoa e Pat Conroy o le a malaga ai mo se asiasiga foi faapea i le Malo o Vanuatu.
