Ua faamaonia e le Palemia Chris Hipkins sa silasila le malo i se lafoga e faaigoa o le wealth tax i le tala faatatau o le tupe 2023 peitai sa ia faamutaina lea fuafuaga.

Na faailoa e le Palemia e ui sa faatino galuega i se ituaiga lafoga faapea e faia peitai ua ia taofia lea tulaga ona fai mai a ia e le o lava le malosi e faatino ai lea suiga i lafoga.

O le faatatau ua faia ua vaavaai ai i tulaga e lē o paleni ai le tax system o le a fesoasoani lea i le alofia o le faaaogā e nisi o trusts e lalafi ai mai lafoga ma faamautinoa ai e totogi foi e tagata o loo tulaga lelei i le itu tau tupe a latou lafoga.

O lea la ua manino le folasaga a le Palemia, o lalo o lana faigamalo o le a leai sea ituaiga lafoga e faia ai pe a mae’a le faigapalota.