O tagata Ausetalia e iai student loans poo nonogatupe tau tamaiti a’oga o le a penefiti mai suiga ua faia e faatatau i aiaiga o a latou nonogatupe ina ia mafai ai ona faatau ni o latou fale, o le faamatalaga lea a Jim Chalmers le teutupe a le atunuu.

I se pepa o faamatalaga fai faatasi mai ma le minisita o fale o Clare O’Neil ua faailoa ai e le Minisita o A’oga, Jason Clare ma le sui teutupe o Stephen Jones le faamaonia o ia lipoti.

O suiga mo i latou e iai student loans o le a amata ona faia faatalanoaga ma le Apra e faatatau i nonogatupe ma le lipotia o aitalafu.

O lona uiga o le a mafai ona faatuatuana’i le silasila a faletupe i student loans pe afai e mafai e le tagata o loo talosaga ona gafatia le totogina o lana aitalafu i le taimi faatulagaina.

O palota faata’ita’i talu ai nei na faia e le 9News na faailoa ai e le Soofaatasi se faiga faavae fou e faataga ai tagata e aveese mai tupe mai a latou supa e faatau ai o latou fale a o le vaega faaupufai a le Leipa ua pasia se 10 piliona o se faaputugatupe e faatupe ai nisi fale mautotogi faalaua’itele, o mataupu lava ia o loo lilifa iai le maitau a le atunuu e fua iai le latou palota.

Puna o Faamatalaga: https://www.9news.com.au/national/hecs-debt-may-no-longer-affect-home-loans-jim-chalmers-to-announce-today/1711bd14-97c3-4721-ad4a-367612b0e1da