Ole faiaoga lagolago a le  Queensland Cowboys, o se tasi iloga foi i le taaloga lakapi liki, James Maloney ua faamalolo e le kalapu fetaua’ina sa molia i le ‘ave taavale ōnā. O lana faamatalaga pei ona ta’ua i le ABC, o se moliaga maualalo ma faailoa foi e se sooupu a le kalapu sa tulaga lelei le faatinoina o le mataupu mo itu uma e lua. 

O se  taimi  tāua lenei mo le ‘au  ao sauni ai mo le la fetaua’iga ma le Bulldogs i le faaiuga o le vaiaso poo  ai o le a sao atu i le isi vaega o sailiga siamupini.  O Maloney e 38 tausaga na manumaloina le premiership ao iai i le Sydney Rooster faapea foi Cronulla ma sa taalo foi i Farani.

I se  faatalanoaga a Maloney ma le News Corp na ia ta’ua ai ua faanoanoa  lava ia i lona tagata ae  leai ni lagona lē lelei o iai faasaga i le cowboys ma e tatau i se tagata e iai i le tofiga o loo iai ona lē tulai mai ai se tulaga faapea.

O loo i le tulaga 6 Kuiniselani i le taimi nei ma a malo i le la taaloga  ma Canterbury lona uiga o le a taaalo i o latou vaifanua i le isi  taaloga e sosoo ai. 

Puna o Faamatalaga: https://www.abc.net.au/news/2024-09-04/nrl-cowboys-assistant-coach-james-maloney-sacked/104308504