Search
Search

Faamalieina tulafono ma agavaa o le Iunivesite Aoao o Samoa i le faaeeina o le faailoga taualoa

E lei falala fua le niu e pei o lea alagaupu a le atunuu, e mafua i le faaiuga a le Faaao ma le pulega o le Iunivesite Aoao o Samoa e faaee atu le faailoga taualoa o le fomai o le tulafono le Honorary Doctrate of Laws i le uluai Palemia tamaitai o Samoa, le afioga i le Sa’o Faapito, le afioga Fiame Naomi Mata’afa.

Na faailoa i le faaeeina o lea faailoga taualoa i le faauuga a le Iunivesite Aoao a Samoa i le Aso Tofi ua mavae, le faamalieina uma o tulafono a le iunivesite a le atunuu i agavaa e faaee ai lea faailoga taualoa i le taitai o le Malo.

Na faailoa i tolaulauga o le tala faasolopito o le soifua tautua o le tamaitai Palemia, o ia o le faipule tamaitai ua pito tele ma umi tausaga o seei i le tofi faipule o le Palemene o le atunuu, lea sa uluai avea ai ma sui usufono o lona itumalo o Lotofaga i le tausaga e 1985.

O ia le uluai minisita tamaitai mo le matagaluega o aoga, ae sa avea foi ma minisita o faamasinoga, minisita o puna’oa faalenatura ma siosiomaga, ae sa uluai avea foi ma sui taitai o le pati faaupufai e puipuia aiātatau a tagata a o avea ma sui lagolago o lea vaega faaupufai, ma avea ai foi ma uluai tamaitai na seei i le tofi Sui Palemia.

Sa lotolotoi i le tuufaatasia o le aoga faatausi soifua ma le aoaoga faaiunivesite lea na faatuina ai le faculty of nursing i le Iunivesite aoao o Samoa.

E faapena foi i le tuu faatasia o le aoga tau mamata eseese sa iai le Samoa Polytechnic ma le Iunivesite a le atunuu, faapea le tuufaatasia o le kolisi faafaiaoga sa iai i tausaga e tele ua mavae ma le iunivesite.

Sa faaee iai le faailoga taualoa o tusi poo le Honorary Doctorate of Letters a le Iunivesite a le Pasefika sa iai foi ma faaao o lea iunivesite.

E tele isi o tautua sa faailoa i le faauuga na mafua ai ona faaee le faailoga taualoa a le Iunivesite aoao o Samoa e pei sa faamaonia faalauaitele e le faaao o le tatou iunivesite le afioga i le Ao o le Malo, Tuimalealiifano Vaaleto’a Sualauvi II.

O le saunoaga aami o le faauuga o le afioga i le tamaitai Palemia, Fiame Dr Naomi Mataafa.

Se vaega o le saunoaga aami o le faauuga a le Iunivesite aoao o Samoa i faasalalauga a le televise a le Iunivesite aoao a le atunuu.

Tala sili ona faitaulia

Tala mai samoa

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required