O se suesuega fou e faatatau i le koviti ua lpotia i le 9news i le asō ua ta’ua ai o le long covid e foliga e le ono tigaina atu nai o le fulū masani pe afai o loo ua mae’a ona faia uma ou tuipuipui. 

O le long covid o le igoa lea ua faaigoa ai le faaumiumi o auga o le Koviti-19 i se tagata ma e ono faitau vaiaso ma masina foi.

O le suesuega la na faatautautaia e le Queensland Health ua iloa e tai pei lava auga o le long covid o le fulū masani.

Na amata mai le suesuega i le ogatotonu o le tausaga talu ai ma sa aofia ai tagata matutua e 2,200 i latou sa aafia i le koviti ma isi sa aafia i le fulū.

Ua iloa ai i le suesuega o le 21 pasene o i latou ia na gasegase i le koviti ua lipotia le lagona pea o le iai o auga o le faamai i le mae’a o le 12 vaiaso.

E fā pasene o i latou ia na o latou faailoa o auga e feololo lava ma agai atu ina ogaoga.