Search
Search
Precious Miriama Tusega

Faafeiloai lau Miss Samoa NZ, 2024-2025 Precious Miriama Tusega

Ua faapaleina nei le tamaitai lalelei o Precious Miriama Tusega e avea ma Tausala Samoa a Niu Sila poo le Miss Samoa NZ, 2024-2025.

O se tauvaga sili ona mataina le tauvaga o lenei tausaga, mai lava ina ua amata ona tuufaatasia tamaitai tauva e toavalu na tusi aao iai le komiti o le a faia iai le filifiliga faaiu, sa iloga lava ona faatino i ni tulaga maualuga faatinoga uma a tamaitai taitoatasi.

O lenei tausaga i tamaitai uma na tauva, e le gata ina lalelei uma o latou foliga ma fuaitino o ni tamaitai Samoa, ae o latou uma lava e tulaga lelei ma aloaia a latou galuega o loo galulue ai, o nisi o tamaitai o loo aooga i iunivesite i nisi o faailoga taualoa o loo a’oa’oina ai.

O le isi tulaga sa maitauina i le tauvaga o lenei tausaga, na toe vaaia le malosi o le lagolago a aiga ma uo a tamaitai tauva uma lava; le gasolo atu o nai mātua matutua, e aiaiuli ma faaali le valevale alofa o mātua ma aiga ia latou fanau.

Peitai la, e ui lava i le faigata o le galuega a alii ma tamaitai faamasino i le tau faamautuina o se tamaitai e toatasi o le a manumalo, ona sa taufai lelei ma mae’ae’a tapenaga a tamaitai tauva uma, ae na autasi le laulau o faamasino, o le tamaitai o Precious Miriama Tusega ua faapaleina nei i le pale o le Miss Samoa New Zealand 2024-2025.

O Precious Miriama Tusega, e 26 ona tausaga, ma sa ia faalauiloa ona afioaga i Samoa, o Faleatiu ma Tuanai i Upolu, ae o Sasina ma Satupaitea i Salafai.

Taleni manumalo – Precious Miriama Tusega

O Precious o loo a’oga nei i le Auckland University of Technology i lona faailoga i mataupu tau le tulafono.

O le a tapena atu nei la Precious e fai o ia ma sui o Niu Sila i le tauvaga autu o le a faia i Samoa i le vaitau o le Teuila e pei ona masani ai i tausaga taitasi, o iinā o le a faia ai le tauvaga e saili ai loa se lalelei o Samoa aoao e fai ma Miss Samoa i le agai atu ai foi e tauva mo le sailia o se lalelei o Atumotu o le Pasefika, le Miss Pacific Islands i se taimi mulimuli ane o lenei tausaga.

O le faasologa i lalo o loo faailoa ai vaega taitasi sa manumaloina e tamaitai eseese.

SPECIAL AWARDS

Miss Friendship – Maruseana Olivia Kelcy Sititi & Tava Landaesha Tyrell

Miss Photogenic – Konestasia Pauga

Miss Personality – Daizy Mika Frost

People’s Choice – Stephanie Mary Ah Lin

JUDGED CATEGORY

Best Introduction Award – Stephanie Mary Ah Lin

Best Siva Samoa – Konestasia Pauga

Best Talent – Precious Miriama Tusega

Best Interview – Precious Miriama Tusega

3rd Runner Up – Daizy Mika Frost

2nd Runner Up – Maruseana Olivia Kelcy Sititi

1st Runner Up – Stephanie Mary Ah Lin

WINNER – Precious Miriama Tusega

Tala sili ona faitaulia

SAMOA UPDATE

PODCASTS

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required