O loo faaauau pea ona tuua e le toatele Niu Sila ae aga’i atu i atunuu i fafo a o maualuluga ai tului o totogi, leai ni galuega ma vaivai le tamaoaiga.
O faamaumauga nei mai le vaega o faamaumauga ananafi lea o loo sau ai e 131,200 tagata ua tuua Niu Sila i totonu o le 12 masina na faai’uina ia Iuni o le tausaga nei.
O se maualuga tele lea ua faamauina i totonu o se tausaga, ma o le vae tolu o Ienei fuainumera o tagata ua aga’i atu i Ausetalia.
E ui o loo maualuga le net migration poo le fuainumera silia o tagata omai pe a faatusa i tagata tuuvaa ese atu, mai tagata su’esu’e e ono sau i lalo i se taimi ona o le pa’ū o le fuainumera o tagatanuu ese e omai i Niu Sila e mafua i le vaivai o le tamaoaiga.
I totonu o le fuainumera o tagata ua oese atu, o le 80 afe ma ona tupu o tagata sitiseni, ma o lea ua toeitiiti faaluaina le fuainumera o tagata na tuua Niu Sila i taimi a o lei sau le Koviti.
Puna o Faamatalaga: People leave New Zealand in record numbers | RNZ News
