O lea foi ua toe faasagasaga mai le au taufaasese i tagata Pasefika i Niu Sila e faaaogā mai ai le Polyfest.
A o loma le faaaliga tele o tu ma aganuu i totonu o Niu Sila le Polyfest o lea ua faia e le au taufaavalea faasilasilaga i luga o upega tafailagi le Facebook ma le Instagram ae faaaogā ai logo ma le igoa o le Polyfest e faatau ai tickets; ma tulei mai ai ma le live stream mo tagata e fia maimoaina le Polyfest.
Toe lua vaiaso ona amata lea o le Polyfest mo lenei tausaga ma ua toe faamanatu mai i tagata lautele e leai ni tickets o le Polyfest e faatau i luga o le Facebook poo le Instagram, e na o le tasi lava le upega tafailagi e pei ona masani ai, o le iTicket NZ.
E oo lava foi i le faasalalauina mai, o lea e faasalalau fua e aunoa ma se totogi.
Ua fautuaina tagata uma ina ia mataituina ia faiga faasolitulafono.
