I le mae’a o le taamilosaga na taaalo ai le Fetu Samoa e aunoa ma se faia’ina, ma faamautū ai lo latou avanoa i le Ipu o le Lalolagi aemaise le Ipu o le Pasefika, ae ua faailoa e le faiaoga ulu o le Fetu Samoa o Jamie Soward, e le’i taitai lava ona mae’a le galuega e mana’omia ona faatino e le ‘au.

Lipotia i le RNZ le faaosofia o le fiafia ma le lagolago mo le ‘au a tamaitai Samoa ona o le tulaga lelei o a latou taumafaiga ae manatu le faia’oga e maumaua’i lava i le faia o nisi suiga tāua auā le isi tupulaga o tamaitai taaalo.

Fai mai le alii faia’oga na soifua ane i Canberra ma e to’alua nai ona alo, o ia e lagolago tele i tamaitai i taaloga ma o le a asiasi foi i Samoa i le tausaga fou ma lona aiga a o le’i faia le Ipu o le lalolagi.

Faafetaia e le alii faia’oga lana ‘aufaigaluega ma le ‘au ma le faamatalaga o le miti a le Fetu Samoa ia sii ane le Ipu o le Lalolagi i le taaloga o le lakapi.

Puna o Faamatalaga: https://www.rnz.co.nz/international/pacific-news/533519/it-doesn-t-end-here-fetu-samoa-coach-jamie-soward-on-the-team-s-success