E $63 miliona lea ua fai mai le malo o le a toe aumai e faatulai ai Hawke’s Bay ma Tairawhiti, a o iai pea i galuega faamamā o le afā o Gabrielle.
O se faasalalauga na sau ananafi a o faamanatu ai le tasi le tausaga talu ona uma le afā, ma o lea na iai le alii Palemia, Christopher Luxon faapea le minisita e patino iai galuega toe faalelei nei.
Mai le minisita o Emergency Management and Recovery, Mark Mitchell o lenei tupe faaopoopo o le a alu sa’o e faamamā ai palapala to’a o loo iai pea i le taimi nei aemaise lava i nofoaga o loo maualuga i le lisi o nofoaga e tatau ona faamuamua.
O le vaevaeina o lenei tinoitupe tele, o le $40 miliona e mo Hawke’s Bay, ae o le $23.6 miliona e mo Gisborne.
O se fesoasoani na talia ma le agaga faafetai e tagata na iai i le sauniga ananafi i Hawkes Bay, e lē gata i le au galulue volunteers, o i latou na fesoasoani i le taimi na sau ai le afā, ae faapea le aufaifaatoaga faapea aiga na aafia i le afā.
