O tapenaga mo le Fonotaga a Taitai o Malo o le Taupulega o le a ave iai le faamuamua i le asiasiga a le Failautusi Aoao o Malo o le Taupulega o Patricia Scotland i le asō.
O le asiasiga a le tamaitai o loo malaga muamua mai i Samoa ona faatoa malaga atu lea i le malo o Tonga.
I le malaga mai a le tamaitai o Scotland o le a faatalanoa ai mataupu tāua e faatatau i Malo o le Taupulega ma le Pasefika faapea ma ana fesoasoani mo atumotu o le Pasefika o loo i totonu o le li’o o Malo o le Taupulega.
O le taeao nei o le a feiloai ai Scotland ma le Tamaitai Palemia o Fiame Naomi Mata’afa e faatalanoa tapenapenaga a Samoa mo lana taligamalo ia Oketopa o le tausaga nei.
A mae’a ona malaga lea i le malo o Tonga, ma o le a feiloai foi ma le Palemia ma isi sui o le Kapeneta a lea malo.
O le a asiasi foi le tamaitai i vaega uma na aafia i le mauga mu i le tausaga e 2022.
