O le a filifilia e Amerika ma Lusia se vaega e feagai ma feutana’iga i le faai’uga o le taua i Ukraine ma o loo galulue foi e toe fausia sootaga o upufai o malo, o le faamatalaga lea mai le failautusi o le malo tele o Amerika, Marco Rubio i le faai’uga o talanoaga ma Lusia.

O le feiloa’iga ma tusitala na faailoa ai e le minisita o le va i fafo a Lusia, Sergei Lavrov i Saudi Arabia, ua tatau ona faia fetuuna’iga i itu uma ina ia faamae’a ai le vevesi.

Ina ua fesiligia pe ono talia le taofimau pea e Lusia o teritori sa maua mai ia Ukraine talu mai le 2022, fai mai le sui o Amerika o se mataupu lea e fia faatalanoaina.

I le mae’a o le fonotaga na faia ua ta’ua sa faitioina e Trump le ta’ita’i o Ukraine ona o lana faamatalaga na te lē taliaina se maliega e faia ae lē auai latou.

Ua ta’ua foi le faia o se fonotaga faavavave a ta’ita’i o Europa ma ua faamamfa ai e lē tatau lava ona faataunuuina ni feutana’iga tau le filemu e aunoa ma Ukraine.

Puna o Faamatalaga: https://edition.cnn.com/2025/02/18/europe/us-russia-riyadh-talks-intl/index.html