Faitau afe tagata Niu Sila o loo poloka I atunuu I fafo na taufaoina avanoa I nofoaga faanofoesea anapo

3718 potu mo le masina o Oketopa, Novema ma Tesema  na tuu e tatala mai I le 5 I le afiafi ananafi mo le faatauina o vouchers online mo nofoaga faanofoesea, ma o lea na vave tatala I le 4.30 e tusa ma tala mai le pulega o nofoaga faanofoesea ona o le toatele na vave agai ane I le upega tafailagi mo bookings

E ta ane le 6 I le afiafi ua oo atu I le 26,700 le queue

I le tuufaatasiga o I latou na ulufale I le booking system mo so latou avanoa e 31,319 ma e na o le 6231 I latou na manuia mai le 125 atunuu eseese

I molimau a nisi anapo I tala a le leitio a Niu Sila, e le I taina le 7 ae sau notifications poo faailoilo mai le system ua leai ni avanoa

O le toatele e le I manuia e ui I le le fiafia ae ua faailoa o le a toe taumafai atili I nisi potu e toe faamatuu mai

 12,000 isi potu na faailoa mai e le tamaitai palemia, Jacinda Ardern o le a toe faamatuu mai I vaiaso I luma, ae mai le pulega o nofoaga faanofoesea anapo o isi avanoa o le a faamatuu mai I le Aso Lua o le vaiaso fou e ui e le o mautinoa le taimi

Ese mai I avanoa I nofoaga faanofoesea, o le aso foi ananafi na faalauiloa mai ai e le kamupani vaalele a le Ea Niu Sila le faaopoopo o le isi 31 faigamalaga sone lanu mumu mo I latou uma o loo I Ausetalia toe fia foi mai I le masina o Tesema, ma o nei faigamalaga e faatoa mafai ona faatau le ticket pe a mautinoa ua maua lou potu I nofoaga faanofoesea