O loo faaauau pea ona solo atu fesoasoani i Vanuatu ona o mafatiaga o le mafui’e na aafia ai i se taimi e le’i mamao atu.
O le vaega a le PACMAT, Pasifika Medical Association Medical Assistance Team sa o latou kilivaina fuālaau ma vailaau mo togafitiga i le komiuniti i le taimi na aafia ai i le mafui’e.
Fai mai le RNZ o le galuega o loo faia nei a le PACMAT ua faatino ona o se talosaga na tuu ane e le malo o Vanuatu ina ia silasila toto’a i mana’oga tau le soifua mālōlōina o le atunuu.
E to’atele ua fesoasoani iai lenei faiga, ma o le tulaga foi i le soifua mālōlōina o le mafaufau o se tasi lea o itu o loo ave iai le faamuamua ma o sui o le PACMAT oloo auina atu ai foma’i o le mafaufau, tausi soifua, foma’i faapitoa o le mafaufau, foma’i mo ta’otoga ma se GP.
Ua silia ma le 300 gasegase ua mae’a togafitia i lenei galuega fesoasoani.
Puna o Faamatalaga: https://www.rnz.co.nz/international/pacific-news/539003/pasifika-medical-association-continues-vital-support-to-vanuatu-following-quake
