Search
Hon Mulipola Anarosa Ale-Molioo

Valoia le faia o ni suiga i taiala o le poloketi tasi le miliona

O le vaiaso asau ua faatulaga e fono ai le komiti faatonu o le poloketi tasi le miliona tala a le Malo, i le faamoemoe e iloilo nisi o mataupu tāua e faasino i le poloketi e pei o taiala i le faaaogāina o tupe tai tasi le miliona mo itumalo faapalota e 51.

I le feiloaiga a le tamaitai Minisita o le matagaluega o tina ma tamaitai atinae o afioaga ma aga fesootai o loo iai le vaaia o le poloketi lenei a le Malo, na faailoa ai e le minisita nisi o luitau ua molimauina talu ona amata faagasolo lea poloketi e fou i fuafuaga o le atinae a le Malo.

O le eseese o manaoga o itumalo e faatupe ia latou tai miliona ma soli ai nisi o ta’iala o se tasi lea o luitau ma ua silasila ai le komiti faatonu e toe iloilo taiala o loo lima taitaiina ai le poloketi i le silasila mamao a le Malo ia faaleleia aoaoga, le soifua maloloina, o faatoaga ma faigafaiva, atinae o tagata tafafao, ma auala galue.

I le uluai miliona ua faasafua atu i le poloketi lenei e 43 miliona tala ua ma e tuuina atu i tua ae o loo totoe pea le silia i le 6 miliona tala mo nisi o itumalo e lei mae’a tuuina atu lipoti i le sueina o tusi i le faaaogāina o a latou seleni, auā o le aiaiga seiloga ua tuuina atu ia lipoti ma faamalieina le taiala na faaaogā o le faaaogāina o seleni, ona faatoa faamatuu lea o isi vaegatupe.

O le miliona tala lona lua, e leai se itumalo ua faamatuu iai a latou vaegatupe, ae o le lisiina o fanua o loo iai ofisa o fono faavae tasi lea o luitau, ona e iai itumalo ua lē tausisia le aiaiga e lua afe tala i le tausaga le totogi o le lisi o fanua o le Malo ma fanua faaleaganuu o loo iai ofisa tutotonu o fono faavae.

O le itumalo o Lepa e 96 afe le totogi o le lisi o le latou ofisa o le fono faavae.

O lea vaegatupe o le lisi sa aofia i le uluai 200 afe tala o le poloketi na faamatuu i tumalo palota e 51 i le amataga o le poloketi.

Peitai o loo faia iai suesuega i le taimi nei.

Ua faailoa e le Minisita o le uluai miliona tala ua faamatuu i lea itumalo palota o loo taofia le 96 afe tala e lē faamatuuina iai, seia vagana ua mae’a le suesuega o loo faia. 

Le Minisita o tina ma tamaitai atinae o afioaga ma aga fesootai, afioga Mulipola Anarosa Ale Molioo.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required