O le Aso Tofi o lenei vaiaso ua faatulagaina e vaalau ai i le faamasinoga maualuga a le atunuu le isi talosaga a le Faatuatua i le Atua Samoa ua Tasi (FAST) mo le toe asiasi lea o le faamasinoga i lana faaiuga na tuuina mai i le Aso Gafua ua mavae na faaleaoga ai le faatautoga i le faleie ae na faatonuina ai le usuia o le Palemene i totonu o le 7 aso lea na maea i le Aso Gafua o le vaiaso nei.
O le a iai le talitonuga i lea tauaofiaga o le faamasinoga ma le talosaga a le Loia Sili ua toe apili ai lea faaiuga e faasino i faatonuga poo poloaiga .
O loo iai foi se isi talosaga a le Loia Sili ina ia taofi le malosiaga faaletulafono o lea faaiuga ae suesue muamua le apili poo le talosaga e toe iloilo ai se vaega o lea faaiuga.
O se taunuuga o lea vaega ua oo iai faamasinoga faasino iai aiaiga o le faavae i le tauaofia ai o le Palemene lona 17 ae o lea e le’i faatinoina, o le a iloa ai pe o le a fa’aauau loa le faatautoga e na’o sui filifilia e to’a 26 o le vaega a le FAST na auai.
