Search
Search
Photo Credit: MOH

Usuia le fonotaga a Faauluuluga o le Soifua Maloloina i Samoa

E 13 atunuu o le Pasefika e aofia ai ma Samoa o loo auai i se fonotaga tāua e tauala atu i ana faauluuluga i lenei vaiaso, faauluuluga uma o le Soifua Maloloina.  

Ta’ua i pepa o faamatalaga o lenei fonotaga o loo tagai ma silasila sui taitasi e soālaupule mataupu o loo lu’itauina ai le auaunaga o le soifua maloloina i le Pasefika, ma faapena ona fetuunai ma talanoaina ni fofo i nei faafitauli o loo fetaia’i ma le auaunaga. 

I le feiloaiga i le taeao nei, na saunoa ai le Faatonu o le Soifua Maloloina a le lalolagi i lenei Itulagi a le Pasefika, Dr Saia Piukala, o le tāua  o lenei potopotoga o lea ua faatasitasi  Faauluuluga o le Soifua Maloloina a le Pasefika, e fefaasoaa’i ma faapena ona aoao manatu lelei, e faatulaga ai se auivi talafeagai poupou ma mausali e avea o se alaga’oa e tua iai le soifua maloloina i le lumanai. 

Ae i le saunoaga autu a le afioga i le Palemia, Fiame Dr. Naomi Mataafa, na ia faailoa ai o le uluai taimi lea o lea Fonotaga ua talimalo ai Samoa. 

Ma e tāua tele lea Fonotaga auā o Faauluuluga ia o le auaunaga tau soifua maloloina, e faalagolago iai tonu fai auā le sao mo le una’ia o le soifua manuia o tagata Pasefika. 

Ua faamauina o fautuaga e maua mai i lenei faatasiga, o le a faatalanoa i le Fonotaga a Minisita o le Soifua Maloloina a le Pasefika (P.H.M.M.) lea o le a talimalo ai Samoa i le tausaga 2025. 

I atunuu o le Pasefika o loo auai i le fonotaga e aofia ai Amerika Samoa, Le Atu Kuki, CMNI, Fiti, Farani Polenisia, Kilipati, Palau, Samoa, Tokelau, Tonga, Tuvalu, Vanuatu faapea ai ma Wallis and Futuna.

Tala sili ona faitaulia

Tala mai samoa

TALA FOU MAI SAMOA

TALA MAI NIU SILA

SAMOA UPDATE

PODCASTS

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required