COVID-19 vaccine

Unaia le faia o tui puipui ina ua maliliu uma matua ile koviti ile aso e tasi

Ua unaia nei e se tasi o tamaitai mai Amerika le faia o tui puipui o le koviti 19 ina ua maliliu nai ona matua mai le faamai. O loo faamatalaina ile lipoti mai le televise a Niu Sila le ulugalii lea mai New Hampshire I Amerika e lei faia ni tui puipui ae na maliliu nao ni nai sekone na va ai I totonu o le falemai I lea faaitu o le malo tele.

Faamatala e le la tama o Melissa Noke ile au tusitala o lona tama o Bill 73 tausaga ma lona tina o Carol 69 tausaga ua 45 tausaga o le la mafutaga ae na aafia ile koviti I le masina na tea nei ma iu ai ina tau faamanava nai ona matua ile masini a le falemai ina ua tigaina tele.

Fai mai na uu lima ma maliliu ai lava nao le 10 sekone na va ai nai ona matua ile aso 30 o Tesema. O le naunautaiga o lea tamaitai ua mafua ai ona ia faamatala le tala I nai ona matua, fai mai a ia e manao ia unaia tagata e faia tui puipui e ono laveaiina mai ai le soifua mai lenei faamai uiga ese.

Scroll to Top

Keep uptodate with Radio Samoa activity & promotion

* indicates required