Search
Sui to’a 18 o le HRPP
Sui to’a 18 o le HRPP
Photo:Parliament of Samoa

Umia e le F.A.S.T. le lua vaetolu o nofoa e 52 o le paeaiga lona 17 a le Palemene

O le taunuuga o ia faigāpalota laiti ua tulai mai ai le umia e le Faatuatua i le Atua Samoa ua Tasi o nofoa e 35, ae o le vaega faaupufai o le HRPP e 18 nofoa.

Ua tulai mai ai le umia e le itu faaupufai o loo seei i le faatautaia o le Malo, o le lua vaetolu o le aofaiga e 52 o nofoa o le paeaiga lona 17 a le Palemene o iai nei.

O se talafaasolopito lea ua faamauina i paeaiga faapalemene a Samoa, i le mae’a o le palota tele o le 2021 lea sa maua e le vaega faaupufai o le Faatuatua i le Atua Samoa ua Tasi nofoa e 25 ae na ia umia nofoa e 26 ina ua ulufale ma talia le sui sa tauva tutoatasi ua avea nei ma sui Palemia.

O le itu faaupufai e puipuia aiātatau a tagata na manumalo i nofoa e 25 ae na mae’a finauga i le faamasinoga i le aofaiga tonu o nofoa o tamaitai i aiaiga o le 10 pasene ma faamautu ai e lē toalima ae toaono ina ia faamalieina ai lea aiaiga faaletulafono.

O nofoa e lua o tamaitai e maua ai le toaono o sui tamaitai ua umia uma e le itu faaupufai e puipuia aiātatau a tagata, ae o le nofoa na toafitu ai e tusa o le faaiuga a le faamasinoga maualuga, na toe soloia i le faaiuga a le faamasinoga o talosaga apili a le faamasinoga maualuga.

O palota laiti sa faagasolo ona o le faaiuga o tagi tau palota na toe faaopoopo ai le numera o nofoa ua umia e le itu faaupufai o le Faatuatua i le Atua Samoa ua Tasi faapea palota laiti ua mae’a atu nei ma umia ai e lea vaega faaupufai le 35 o nofoa i le taimi nei.

Ua manino mai ai foi o ia palota laiti ma le palota laititi a Vaimauga Numera 3 lea sa manumalo ai le HRPP i le palota tele ua manumalo ai le Faatuatua i le Atua Samoa ua Tasi, e aofia ai nofoa e tolu o Siumu, Vaa o Fonoti ma Faleata 4.

O lona uiga e iva nofoa sa manumalo ai le vaega faaupufai o le HRPP i le palota tele ua umia nei e le Faatuatua i le Atua Samoa ua Tasi.

O lea aofaiga e iva nofoa e aofia ai nofoa na faaleaogaina i le mae’a o tagi tau palota, o faaiuga o palota laiti ona o faamasinoga o le palota, ma le nofoa na avanoa ina ua tuumalo le sui faipule o le HRPP na filifilia i le palota tele mo le itumalo o Vaimauga 3.

O lea nofoa ua manumalo ai foi le Faatuatua i le Atua Samoa ua Tasi.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required