Baby die

Uma le ola o le pepe 8 vaiaso, faamaonia sa aafia foi ile koviti 19

Ua faamaonia mai o se pepe e 8 vaiaso le matua ua uma lona ola ile falemai ile Hunter Valley ao loo lipotia o le pepe ua faamaonia le aafia ile koviti 19 ma ua tuuina atu nei le suesuega o le mataupu ile coroner.

O le a faamautu mai e le coroner le mafuaaga o le maliu pei ona taua e le sooupu mai le falemai o New Englland Health ile Hunter Valley I Niu Sau Uelese lava. Ua faaoo faamaisega I le aiga o le pepe ma o le a fesootai pea e tusa ai o le iuga o suesuega mai le coroner. 

O lipoti mai le Newcastle Herald o loo taua ai e lei iai nisi faaletonu tau le soifua maloloina o le pepe ma ua faailoa foi e le ofisa sili o le Soifua maloloina I le setete Dr Kerry Chant ua maea ona talanoa I le aiga ma e le o fia faalauiloaina faalauaitele tulaga o sia aiga ma o se taimi faigata foi mo latou.

O le tagata aupito I laititi ua faamaonia ua uma lona ola ile koronavairusi o se tamaititi 3 tausaga e iai seisi tulaga tau le soifua maloloina sa aafia ai ma uma ai lona ola I le masina foi lenei ina ua aafia ile koviti 19.

Scroll to Top

Keep uptodate with Radio Samoa activity & promotion

* indicates required