Uluai aso o le sitepu 2 lapataiga 3 a Aukilani; asiasi mai ai ma le palemia

Ua alafai mai Aukilani I lenei aso fou ma le isi suiga fou e faamama ai ana tapu

O le aso ua see ai Aukilani I le sitepu lona lua o le lapataiga vaega tolu, lea ua toe tatala ai faleoloa, o nisi o pisinisi ma mafai ona faatasitasi tagata I fafo o fale e oo atu I le 25 tagata, o lona uiga o le numera foi lea mo maliu, faaipoipoga ma soo se sauniga e faia I fafo

Leai se suiga I le faaaoga o le ufi fofoga faapea le tausi o le va ma isi tagata

Maua e tala fou e ta ane le sefulu lua I le aoauli ananafi ua leva na queue isi tagata I fafo ane o le mall a Sylvia Park, ae le gata I lea o le tele o faalauiloa ma vave tatala nisi o faleoloa I le taeao nei ae tuai ona tapunia ananei

O lea faatoa toe tatala ai lea o faitotoa faapea le avanoa mo tagata Aukilani e agai ai I totonu o faleoloa mo faatauga ese ai supamaketi, talu mai ona faia tapu ile ogatotonu o le masina o Aukuso

O le aso foi faatoa toe oo mai ai le palemia, Jacinda Ardern I Aukilani

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required