Ua faailoa e auaunaga e feagai ma mataupu tau i sauāga i totonu o aiga ma le leai o ni fale e nonofo ai, ua faamalosia i latou e ofo atu fale’ie i tagata o loo aga’i atu mo se fesoasoani nai lo o ni moega ona o le maualuga o le tulaga ua iai le mana’oga i fesoasoani faapea i le taimi nei.
Ua faailoa e le Young Crisis Accommodation Centre i le itu i Saute o NSW ua toeitiiti faaluaina le aofa’i o tagata e sa’ili fesoasoani atu ia i latou i le taimi nei nai lo le tausaga talu ai, ua faamalosia ai lo latou ofoina atu o fale’ie e tau ina fesoasoani ai i le sailia o ni mea e faamautū ai nai ia tagata e aafia i mataupu faapea e pei o sauāga i aiga.
Ua ta’ua e lea auaunaga pe ā ma le 5 i le 6 aiga o loo nonofo i fale’ie i le komiuniti i vaega ia o Sini ma o se tulaga faanoanoa ona o le tau o loo ua iai i le taimi nei e atili faaopoopo ai lu’itau.
E molimau foi isi auaunaga faapea i faaitu lalata ane, ua matua’i siitia foi le aofa’i o talosaga mo fesoasoani i ni mea e nonofo ai tagata e aafia i sauāga i aiga, ma le mau a le to’atele o i latou ia, o le talosaga sa’o i le malo mo se fesoasoani ua fai lava si faigata.
Puna o Faamatalaga: https://www.abc.net.au/news/2024-11-21/tents-handed-out-families-fleeing-domestic-violence/104623056
