Sui tauva o le HRPP, Sooalo Fineaso Poka (left) ma Sooalo Umi Feo Mene (right) sa mua'i lesitala e tauva ae o lea ua toe faaui i tua le suafa o Sooalo Mene

Ua lē tauva Sooalo Mene mo le nofoa o Gagaifomauga Nu.2

O le taeao analeila na toe feiloai ai nisi o sui o le itumalo Gagaifomauga Numera 2 ma ta’ita’i o le vaega faaupufai a le HRPP, e faailoa aloaia ai le toe faauiese i tua o le suafa o le fetalaiga Sooalo Umi Feo Mene ma ua le tauva ai nei i le faigapalota laititi a le itumalo i le masina fou e pei ona sa mua’i resitala ai lona suafa.

O se tasi o matai matua o le itumalo na talanoa mai i le autusitala e pei ona ia faailoa ai, ua malie Sooalo Mene e toe malolo ae ua lava le fetalaiga Sooalo Fineaso Poka e tauva mo le nofoa o le Itumalo i lalo o le fu’a a le vaega faaupufai o loo agaia le malo i le taimi nei. 

Na tuliloa e tusitala le tamā matua nafaatalanoa pe na latou taumafai e taofi Sooalo Mene mai le tauva, ae na ta’ua e le tamā matua, e leai, o Sooalo lava ia na toe sui lona finagalo ina ia lē faaauau ona tauva.

O le aso 3 o Iuni lea ua faatulaga mo le faigapalota laititi a le itumalo e toe saili ai se sui e nofoa o Gagaifomauga Numera 2 talu mai ona tuumalo faafuase’i lo latou sui faipule na amatamaia le tofi o le itumalo ina ua mae’a ai le faigapalota tele a le atunuu i le masina o Aperila o le tausaga 2021.

O le taimi nei la, ua tulai mai e na o le to’afā sui o le a tauva i le nofoa o le tofi faipule mo le itumalo o Gagaifomauga Numera 2.

Scroll to Top

Keep uptodate with Radio Samoa activity & promotion

* indicates required