samoa courthouse

Ua faailoa moliaga o faatosina solitulafono o faigapalota

Ua faasalalau faalauaitele ai nei moliaga o faatosina solitulafono e ala i le ave o tupe i nisi o tagata palota i itumalo Falealili No.2 ma Sagaga No.2 lea ua faatulaga e le faamasinoga aso o le masina fou e suesueina ai. 

O moliaga ua faailoa lautele o se aiaiga faaletulafono lea i lalo o le tulafono o faigapalota ma o moliaga ia a sui o loo tuuaia e le itu tagi na o latou muai ave moliaga i le faamasinoga faasaga i ia sui o loo tuuaia.

I le mataupu ia faaulu e le sui tauva o le faceva faaupufai a le HRPP le tōfa Leleimalefaga Neemia Fonotia faasaga i le sui na manumalo o le vaega faaupufai o le FAST le tofa Maiava Fuimaono Tito o loo faailoa ai moliaga e 8 o le tuuina atu o tupe i nisi o tagata palota o le itumalo ma le faamoemoe e faatosina ai palota mo lē na filifilia i le tofi faipule o lea itumalo.

O ia moliaga o loo taua ai na faatino ia faia solitulafono i le va o le Aso 1 ma le Aso 30 o Novema e faapena foi moliaga ua faaulu e le sui filifilia o le itumalo Sagaga No.2 le tofa Manulolo Tavita Amosa mo le vaega e Puipuia Aiā Tatau o Tagata e pei ona ia tuuaia ai le sui ua tagi na tauva i le vaega o le FAST le tofa Fata Ryan Schuster. Ua tuuaia foi e Maulolo le ave o tupe i nisi o le au palota a le itumalo i le va o le Aso 1 Oketopa ma le masina o Novema ma e 4 ia moliaga ua taua o le Bribery.

O le Aso 4 o Ianuari 2022 e amata ai galuega a le faamasinoga o faigapalota i le tagi mai le itumalo o Sagaga No.2 ae o le Aso Gafua 10 o Ianuari o le a toe amatalia ai galuega uma a le Mālō o le a tagofia ai ma le mataupu mai le itumalo o Falealili No.2.

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required