samoa court

Tuumai faaiuga a le faamasinoga i le apili o le nofoa faaopoopo

O le itula e 1:30 (taimi Samoa) i le asō lea na tuumai ai le iuga a le faamaisnoga i le apili a le HRPP faasaga i le nofoa faaopoopo o tamaitai o le Palemene.

E tumau pea le faaiuga a le faamasinoga maualuga e lē faavaea le filifilia lea o Aliimalemanu Alofa Tuuau ma sui faaopoopo o tamaitia i le palemene ona o le taimi na fai ai lenei gaioiga.

Ae peitai na ioe le faamasinoga e tatau ona ono nofoa mo tamaitai i totonu o le palemene e atoa iai le 10 pasene.

O le filifilia o se tamaitai e atoa iai le to’aono e mafai ona faataunuuina pe a maea uma iloiloga o mataupu o tagi o le faamasinoga (petitions) ma faigapalota laiti poo by-elections e ono tulai mai.

O loo tumau pea le fainumera i le 26 o le FAST, 25 le HRPP ma a maea uma faamasinoga o tagi o le faigapalota faapea ma faigapalota laiti e le’i atoa le to’aono o sui tamaitai ona filifili loa lea o se tinā e tusa ai ma aiaiga o le faavae ua tuuina mai i le asō ae a faapea e maea ifo ua atoa le to’aono e lē manaomia la se isi nofoa faaopoopo.

Taua foi e Tamaitai Loia na tulai mo le FAST Muriel Lui ma Mauga Precious Chang e tonu le faaiuga na tuuina mai e le faamasinoga aua ua faamalieina le toatele o le atunuu.

Saunoa foi Laaulialemalietoa Polataivao Schmidt e faamalo ia Samoa atoa ma ia taua ai e le’i uma le latou galuega ma e tatalo pea mo le filemu o le atunuu.

O le faaiuga tusitusia aloaia lenei mai le faamasinoga i le matuapu o le apili i le nofoa faaopoopo o tamaitai i le palemene.

Electoral-Commissioner-Anor-v-FAST-Party-Anor-Decision-Appeal

LAUILOA

Keep uptodate with Radio Samoa activity & promotion

* indicates required