O le toatolu o tagata faigaluega i le Matagaluega o Leoleo, Falepuipui ma le Toefuataina lea sa faamālōlō lē tumau ina ua faamaonia a latou su’ega, le tagofia o fualaau faasāina poo drug test, ua faamuta le toe galulue i lea auaunaga a le malo.
O i latou e to’atolu ua tutuli ma faamālōlō o leoleo o le falepuipui e toalua poo prison officers ma se tagata faigaluega togiaso.
Ua faailoa e le Sui Komesina le susuga, Leiataua Samuelu Afamasaga, i se lipoti o leoleo falepuipui e faalua ona faamaonia ā la su’ega i le fa’aaogaina o le maruana, ae o le isi to’atasi sa faamaonia i lana su’ega lona faaaogaina o le laau faasāina maruana ma le ‘aisa.
O lea ripoti o loo faailoa ai foi e le Sui Komesina e lei faia ni moliaga o le to’atolu ua faamuta a latou galuega ae ua faamālōlō i lalo o aiaiga o le faiga fa’avae a le Matagaluega faasino i se tasi e faamaonia le tagofia o fualaau faasāina.
