Search
Photo Credit: Vodafone Samoa

Tulaga Lua Samoa i le Miss Global 2023

O le uluai taimi lenei ua auai atu se sui o Samoa i lenei fata o tauvaga tetele o tamaitai lalelei o le lalolagi, le Miss Global 2023, ae ua matuā iloga ona faatietie e le tamaitai o Haylani Pearl Kuruppu lona atunuu i se tulaga maualuga, ina ua tulai mai Samoa i le Tulaga Lua poo le First Runner Up i lenei tauvaga.

O le sui tauva mai Puerto Rico ua faapaleina i le Miss Global 2023, sosoo ai loa le sui tauva o Samoa, le atunuu sa tau tuufesili le toatele o tamaitai tauva poo fea e tu ai lea atunuu, peitai o le malosi ma le mataina o le faatinoga e Haylani o vaega uma sa tauva ai ma le faalauiloaina o lona atunuu, na mulimuli ane ua matuā avea o ia ma tamaitai tauva ua agai uma iai le lagolago e le gata o isi lava ona uso tauva, ae faapea le toatele o tagata sa maimoaina lenei tauvaga, i atunuu sa faataunuu ai, ae faapea foi i le lalolagi o tagata na maimoa atu i luga o upega tafailagi.

E ui lava ina faalua ona sese ane nisi sui tauva a o valaau le Miss Samoa mo lona tulaga i vaega na faaitiitia mai iai tamaitai tauva, muamua na sese ai le Miss Bahamas ina ua valaau le Miss Samoa mo le Top 20, ae na toe sese ai foi le laa ane a le Miss Somalia ina ua valaau le Miss Samoa mo le Top 5.

O se tausaga muamua lenei ua tu matila mai ai se tamaitai tauva a Samoa i se tulaga sili ona maualuga i tauvaga tetele nei a le lalolagi, mai le toa 70 tamaitai mai atunuu eseese o le lalolagi na tauva ai.

I le faaiuga la o lenei tauvaga:

Winner – Miss Puerto Rico (Ashley Melendez)

First Runner Up – Miss Samoa (Haylani Pearl Kuruppu)

Second Runner Up – Miss Thailand (Chonnikarn Supittayaporn)

Third Runner Up – Miss Phillipines (Louise Katarina Hung)

Fourth Runner Up – Miss Vietnam (Bui Quynh Hot)

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required