Tuai na ao le lapisi a Ueligitone ona o le utiuti o ave loli

Ua sau le valaau I tagata Ueligitone ia lava le onosai ona o le tuai ona ao o le lapisi mafua I le utiuti o ave loli

I vaiaso talu ai ripotia mai ai le faatuai ona ao o le lapisi I nisi o vaega o Ueligitone, ma I molimau a Emily Taylor-Hall o le City Council, e uma ane le aso e le uma ona ao le lapisi ma atili faatuai ai

I luga o le twitter I le amataga o le vaiaso nei na tuuaia ai e le council le utiuti o ave loli I totonu o le atunuu

Ao galulue mai ai le toatele o tagata I fale ua molimauina le faatupulaia o le lapisi e ao, faapea ai ma le tele o taavale e paka I luma o le auala ua faafaigata ai I ave loli ona ao le lapisi

Ae mai le Ara Aotearoa Transporting I Niu Sila, ua ia tuuaia I luga o tala a le TV1 le tapunipuni o tuaoi o le atunuu ma o le faapogai lea o le utiuti o tagata faigaluega

O loo mafanafana le city council a Ueligitone e le o toe umi ae faafoi le aoina o le lapisi I aso masani

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required