O se taimi o lenei tausaga e amata ai ona totogi le $20 e matamata ai i le togalaau lauiloa o loo i Hamilton, le Hamilton Gardens.

O lenei peimeni e mo na o tagata e lē nonofo i Hamilton, ma e amata aloaia pe a mae’a fausia fale fou o loo faia nei mo tagata asiasi.

Na ta’ua e le sui o le pulega, o lenei tupe o le a fesoasoani tele i le togalaau ma ona atinae ma ia mafai ai foi ona tutoatasi na i lo le faalagolago i tupe a tagata totogi lafoga.

E silia ma le ‘afa miliona tagata e asia le togalaau i Hamilton mo maimoaga i totonu o tausaga taitasi, ma o lea o loo faia fua uma i le taimi nei e aunoa ma se totogi.