O lea ua ofo mai e le Singapore Airlines tupe i pasese na aafia i le faigamalaga lea na afatia a o iai i luga o le ea ma iu ai ina maliu le toatasi ae faamanu’alia le tusa ma le 12.
E to’a 211 le pasese na aafia ma le 18 o le aufaigaluega lea sa iai i lea faigamalaga na sau mai Lonatona i Singapore, ma o lea na iai tagata Niu Sila e 23 e tusa ma faamaumauga mai le kamupani vaalele.
Ua tusa nei ma le masina talu ona tupu, ma ua ofo mai ai e le Singapore Airlines le $10,000 tala Amerika i pasese na faamanu’alia mitimiti.
Mo pasese na tigaina ma ua sau lipoti a le falemai e faaumiumi ona aafia pea soifua ona o le mea na tupu, o lea ua ofo mai iai le ta’i $25,000 tala Amerika.
Ae mo pasese uma sa iai i luga o le vaa i le taimi na pa’ū faafuasei ai le vaalele i le 54 mita i lalo mai o le sekone, o lea ua toe faafoi uma tupe na totogi ai pasese.
Puna o Faamatalaga: Singapore Airlines offers at least $13,000 each to turbulence victims (1news.co.nz)
