Search
Tolu Poloketi ale Aoga Tulagalua a Letogo ua tatalaina
Photo: Government of Samoa

Tolu Poloketi ale Aoga Tulagalua a Letogo ua tatalaina

Ua patipatia nei ele afioaga o Letogo nisi o ana poloketi mo fanau aoga a lana Aoga Tulagalua lea sa faatupeina uma i lalo o le seleni e miliona tala sa faamatuu ele Malo mo itumalo uma e faatino ai ana poloketi aua le atinaeina o ona tagata.

Ole hall, potu tusi male nofoaga mole suavai taumafa a alo ma fanau ale aoga lea na molimauina ele Malo ma le afioaga le tatala aloaia mole faaaogaina.

Saunoa le Minisita o Aoga Seuula Ioane Tuaau e faalaeiau le soifua galulue a i latou sa togi maa ile tapenaina o nei vaega uma.

“O le tasi lenei o vaega aupito i sili ona taua i vaega autu e tolu o le ola a’oa’oina o le fanau aoga.”

“Tolu lava vaega taua ile soifua aoaoina ole tamaititi, ole ola faaletino, ole mafaufau male faaleagaga.”

“O le asō, ua o tatou omai faatasi, sei sulamanaia le tofā fa’amatua moepō, sei o tatou sulamanaiaina le fa’atofalaiga a le tatou afioaga ma le Itumalo, e tauala i lana Fonofaavae, ina ua mafai ona faasafua se vaega o lana poloketi tasi le miliona tala, mo nei atina’e mo alo ma fanau a le afioaga.”

 “Ua ēa le pologa sa amo e nai matua, faapea le Komiti aemaise Susuga i le Tama’itai Puleaoga ma Faiaoga, aemaise lava i nai o outou alo ma nai fanau aoga.”

“Ēa faapefea? Ēa mai le feinu i vai palapala, ēa mai le saofafa’i i luga o le sima palapala ma le vevela o le potutusi.” 

“Ēa mai le saofafa’i i fafo i le lā ma le timuga. Ae ua ā nei? A lele ua sula le manaia o le vai mama, ua sula manaia le nofo i luga o tiles ma le faamālūlū i totonu o le potu tusi.”

“Ua sula manaia le nonofo i totonu o le fale mo faatasiga tetele. Ua moni le sa’afi a le fatupese Eperu, “Lo’u agaga e, faamanu atu ia iā Ieova, o mea uma fo’i oi totonu ia te a’u, ia faamanuina lona Suafa Paia.”

Na tuualalo ai foi le Minisita ua maea le galuega ole pitolaau a faiaoga le tausi lelei o nei poloketi ina ia umi lona faaaogaina.

“E le o se potu malulu e su’e atu o tofafā ai, ae o lo’o faatali tamaiti pe taumamafa ma ulaula ai.”

“E mafai ona mapu iai, ae lē o le eva ai.”

“O tatou o tausimea, a va’ai ma tausi lelei, e umi ona aoga ma lelei.”

“Ae a tatou faatamala, tou te toe fesili atu i le Komiti ma le Afioaga, ae tou fetoai ma le tala a le faafafine, Sorry a Tonati!”

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required