Search
Search
Work visa

Toe ta’utino le aufaigaluega i faiga piopio, faatonuga sau mai luga 

O lea ua toe ta’u lava e le aufaigaluega a le Immigration a Niu Sila o faatonuga mai luga lea na le faamaoni ai ona faia siaki o talosaga o visa.

Molimau nei I tala a le Stuff ma e aofia ai I latou ua le o toe galulue faapea I latou o loo iai pea I le taimi nei, I le le sa’o ona iloilo ma faanatinati ona talia tusa lava pe le tatau ona talia talosaga o visa faigaluega faaulu I lalo o le Accredited Employer Work Visa, poo nei ua aliae ai faamatalaga I le toatele o tagata Initia ma Bangladesh aumai ae leai ni galuega.

O lea ua toe maua e le Stuff se imeli mai se tasi o tagata faigaleuga sinia a le Immigration Peter Elms o loo tautino ai I le nunumi ma faiga piopio o visa faigaluega nei.

Mai le aufaigaluega, o lea na sau faatonuga mai luga e aua le amanaia fua faiga faasolitulafono a tagata o loo talosaga, aua le tatalaina fua pepa poo attachments o loo faapipii mai talosaga ma le umi, ma o lea foi na lapataia le aufaigaluega pe a le tele talosaga latou te faagaioia I totonu o le vaiaso.

E iai talosaga na teena e nisi o le aufaigaluega, mulimuli ane talia e se tasi o pule sinia.

Ese mai I le aufaigaluega o loo gafa ma talosaga o visa, o lea foi na faatonuina le aufaigaluega o loo galulue I tuaoi I taimi faatoa taunuu mai ai e aua le tau siakia fua visa ma na oo ai I se tulaga na feteenai ai ma le aufaigaluega a le tiute.

E tusa ma le 200 tagata faigaluega omai I visa nei I totonu o le aso e masalomia.

Leai se tala a le Immigration e oo mai I le taeao nei talu ona liki mai I tua faamatalaga nei, ae mai le sui o le National I le vaega tau Immigration ua faitau masina o faia e pule o le Immigration lenei mea I lana aufaigaluega.

Tala sili ona faitaulia

SAMOA UPDATE

PODCAST

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required