Ise lipoti mai le stuff I le aso ua taua ai o le a toe faataga mai I le atunuu nisi tamaiti aoga faavaomalo ile maea ai o le faamatalga mai le minisita o aoga a le atunuu Chris Hipkin.
O lea ua tuuina le faatagana ile tusa ma le afe o tamaiti aoga mai atunuu I fafo ua amata aoga I Niu Sila nei ae tapunia loa ma tuaoi, oi latou ia o loo aoaoina I faailoga.
Ole faatagana la lea o loo tuuina I tamaiti aoga o loo sue faailoga ma ole a manaomia lava ona faia nisi faiga faaopoopo e lagolago ai I latou ia I Niu Sila aemaise I mea e manaomia mo le soifuaga ao iai I aoaoga .
Ole toe foi ane o tamaiti aoga faavaomalo ose vaega o le recovery plan ale malo mo aoaoga faavaomalo. O loo fuafua ole a aumaia ai se vaegatupe pe a male 49 miliona I le tamaoaiga o Niu Sila faatasi ai male 27 miliona e maua mai i pili aoga.
Fai mai Hipkins ole toe foi mai o tamaiti aoga faavaomalo ole a le aafia ai fua le toe foi ane o tagata NIuSila I o latou laufanua. Ua faailoa foi e le minisita o le a muamua mai le 300 o tamaiti aoga amata ia Aperila ma faasolosolo mai ai pea fua I avanoa i nofoaga quarantine.
