Atonu o se tulaga faateia ile toatele le fofogaina mai o le lipoti lata mai o le Koviti 19 ile atunuu I le aso ua toe maualuga le aofai o cases poo I latou ua aafia ile toe pepesi o le delta variant ile atunuu.
O le faatonu o le Soifua Maloloina, Dr Bloomfield na saunoa ile feiloaiga ma tusitala ile aso ma taua ai e 45 isi cases fou ua faamaonia mai Aukilani ma ua oo atu ai ile 1230 tagata ua aafia ile toe pepesi ai o le delta variant.
I ni nai aso ua tuanai atu sa faamauina pea le faaitiitia o le aofai o cases, o ananafi sa na’o le valu. Ua faamanino mai o le 33 o tagata mai le aofaiga lea e 45 o tagata e aumau faatasi ma I latou foi o close contacts poo sootaga vavalalata o I latou na pesia muamua ma o le toatele o I latou ia sa faanofoesea uma I le taimi ua aafia ai, e le gata i aiga ae faapea foi i nofoaga faanofoesea.
O loo galulue nei le Matagaluega ile sailiga o nisi cases e 12 pe iai ni sootaga I e na aafia muamua atoa ai ma le sailia o nisi sa ono fesootai foi ma e ua pesia nei ina ia vave ona faia siaki ma fautuaina foi tulaga tau le soifua maloloina ia usitaia.
